RETINENDI Judaeos jus

RETINENDI Judaeos jus

nemini olim erat, qui videl alterius Domini essent, ut videre est in Statuto Ludovici IX. de Iudaeis A. C. 1238. apud Car. du Fresne, Nec aliquis in toto Regno potuit retinere Iudaeum alterius domini: et ubicumque aliquis invenerit Iudaeum suum, ipsum licite capere poterit, tamquam proprium servum, quamcumque moram fecerit Iudaeus sub alterius dominio vel in alio Regno.

Nisi societas inter duos dominos, pro utrusque subditis, esset inita, quam Percursum dixêre; quod utriusque domini hominibus liceret, dominô suô relictô, ad alium Dominum, quo cum Percursum ille habebat, transire. Nempe glebae adscriptis similes habiti Iudaei, quos Dominorum servitio subtrahere nemini licebat, ut idem docet Car. du Fresne in Glossar.